6月15號 有雨及狂風雷暴
今日係我覺得最黑暗既日子,我竟然可以由6月14號早上9點幾訓到今日8點幾,完全無起過身,8點幾我睇返電話記錄有好多個同事打黎既Miss call,我女朋友話我上司叫我唔使返工,今日返去簽紙~唉...坦白講,返咁耐工請病假同事假就試過,咁大鑊真係未試過,而家個心情真好傍惶,好驚比公司炒魷魚,但係呢份工真係好累...初初都覺得幾好架,返夜喎...自己又成日夜訓,但係當你返耐左,就會慢慢無精神,就算你點訓都唔會夠,放假可以訓足廿四小時,真係覺得好辛苦,我每一次解釋總比佢地會覺得我搵籍口,但我個心諗咩無人會知,我唔係每一次都想叫出去叫人幫我做野,係我學果時人地教我咁做,我都好想改左呢個壞習慣,但我唔係超人,一時三刻改唔到姐,你地唔使鬧我架麻,我比人投訴,我好想知我比人投訴d咩,唔知又點會改到,點解係都要第二日先講喎,你估我好想日日都淨係收檔,我都好想執多d單,令自己可以一個人都可以好快清單,我都好想可以唔使日日都9點半洗爐,10點左右洗飯煲,10點3洗軍艦兜,10點半食消夜,12點幾洗天婦羅爐,之後及蓋食雪櫃,2點洗麵檔之後執埋d手尾等放工呀,我都好想可以企下燒爐訓練一下,唔使比人地話我淨係日日如是!!其實返工一定辛苦,不過返一份工可以訓死成日唔起身真係未試過,可能係我無能啦...真係唔知呀,而家個心情都仲係好亂,唔知今晚會發生咩事,希望可以平安渡過,唔講喇...越講越灰~~菜鳥廚師參上
全站熱搜
留言列表
