close
禽晚6月13號,出門口果時落好大雨
我一早就約定左兩個朋友夜晚去玩,原本呢就諗住飲酒既,點知『A』朋友就提議左落【Hot】,我都無反對,雖然唔係咁鐘意,但係間中去下都無所謂,反正入到去都係飲下酒聽下歌~毒品!?No啦,識我都知我唔掂既...入返話題先,咁提議到,又無人反對,咪去囉...估唔到好似自己係勁舞團其中一個角色囉~哈哈!!唔明...??即係唔知個DJ係咪High大左,連續播左幾首勁舞團既歌...比佢搞死,之後我地係入面識到兩個FD啦,一個叫『白馬』,一個叫『王子』,好好笑,散埸我地一齊去飲早茶,『A』朋友一見到張點心紙就好似發左癲咁,死劃爛劃,唔係錢既問題,係計我,『A』朋友,『C』朋友,『白馬』同『王子』得5個人,『A』朋友就叫左16碟野食囉...真係無得頂,咁就梗係食唔晒啦,最後要玩猜【剪刀．石頭．布】囉,贏左果個叫輸果個食一樣野,『C』朋友食得最多..佢一路食,我地一路笑爆肚,之後我地癲癲得得提議去打機,打完機唱Lunch k囉...嘩....我地好似痴左線咁..唱K就唔使講,蒲完一晚個個都失聲,唱K咪搞到耳仔受罪..哈哈,講笑姐,再講埋Lunch啦,我食都無食過就話夠鐘走人喇...N字頭呃錢既....嗚嗚,之後就各散啦梗係,太累喇,再繼續蒲我驚個個面目全非呀..哈哈....咁就完結左癲癲得得既一晚.......
全站熱搜
留言列表
