11月1號 天陰有雨
11月1號壽司節,禽晚係萬聖節,我同Punk佬同埋B哥哥一齊六點,一放工,我地就換好衫,整好晒野,就去食野,食咩好,食香港仔魚蛋粉,估唔到而家有飯食,Shit!!簡直係好耐無係出面食過飯,大陸仔出城咁~~點解會有飯食架.......??
食完野之後,我地就向海旁出發,一路行就見到好多人廢盡心思打扮同化妝,好有feel,都有同扮既人影相架,遲dpost返出黎比你地睇,之後和仔同四眼就收工黎搵我地,shit!!佢地搵punk佬化妝囉,搞到成個女人咁....笑左好耐,都有影相架,不過都係要遲d先post~哈哈
搞掂就各散,我同和1同四眼去某酒吧,因為同老細約好左,一定到...之後一踩到朝早開檔,唉!!諗住返屋企沖個涼就出門口,放工返屋企先訓,點知一係張床度,就訓到8點先起身,shit!!遲左9個字,大佬然又祭我旗~~唉!!我都唔想架....嗚嗚...我有苦衷架!
今日真係不得了...壽司節,我地全線八折,由開門正式做生意果一刻,我未停過,我5兩點都未做我要做既野,一直殺埸,殺埸再殺埸,到最後都係要遲走~~算啦,聽日放假,做埋先囉,反正返放果d仲慘過我地,睇諒下~返到屋企真係好累~~聽日放假有咩做好呢...聽日先算~~講住咁多先~~Sayulala!!
全站熱搜
留言列表
